Ցեղասպանությունների մասին գրքի հեղինակը` ԱՄՆ պետքարտուղարի թեկնածու

ԱՄՆ հաջորդ պետքարտուղարը հնարավոր է` Բարաք Օբամայի օգնական Սամանտա Փաուերը լինի: Այդ լուրը տարածել է New York Times-ը` գրելով, որ Փաուերի մյուս հավանական պաշտոնը` ազգային անվտանգության հարցերով խորհրդականն է:

Ըստ թերթի` Փաուերը Հիլարի Քլինթոնի հետ համարվում է Լիբիայի դեմ իրականացվող քաղաքականության հեղինակների մեկը, եւ նրա ազդեցություն Սպիտակ տանը գնալով աճում է: Եվ եթե Օբաման հաղթի նախագահական ընտրություններում, ու Քլինթոնը հրաժարական տա, Փաուերը կզբաղեցնի պետքարտուղարի պաշտոնը:

Ի դեպ, Փաուերը 2002-ին Պուլիտցերյան մրցանակ է ստացել «Հիմնախնդիրներ դժոխքից» գրքի համար, որում դիտարկում է ԱՄՆ արտաքին քաղաքականության արձագանքը ցեղասպանություններին:

Գրքում հաստատվում է, որ Օսմանյան Թուրքիայում, նացիստական Գերմանիայում, Կամբոջայում եւ Ռուանդայում կատարված ցեղասպանությունները տեղի են ունեցել այն պատճառով, որ իշխանությունները աչք են փակել կատարված վրա: «Ամենատարածված պատասխանն է` մենք չեն իմացել: Ճիշտ չէ»,- գրքում գրել է Փաուերը: