Թուրքիան զեկուցում է ՄԱԿ-ին

Թուրքիան ՄԱԿ-ի Անվտանգության խորհրդին զեկույց է ներկայացրել իրանական տրանսպորտային օդանավի կալանման վերաբերյալ:

Իրանի դեմ պատժամիջոցների կատարմանը հետեւող ԱԽ հատուկ կոմիտեին ներկայացված փաստաթղթում նշվում է, որ համապատասխան փաստաթղթերում ինքնաթիռի բեռը ներկայացված է եղել որպես «ավտոմոբիլային մասեր», սակայն խուզարկության արդյունքում հայտնաբերվել են Կալաշնիկովի ինքնաձիգներ, գնդացիրներ, ականանետների ականներ, այլ զինամթերք:

«Հայտնաբերված զենքն առգրավված է եւ պահվում է թուրքական Դիարբեքիր քաղաքի ռազմական պահեստում: Ինքնաթիռի օդաչուները ձերբակալված են»,- ասվում է զեկույցում:

Հիշեցնենք, որ մարտի 21-ին Թեհրանից Սիրիա թռչող իրանական ինքնաթիռը թուրքական իշխանությունների պահանջով պարտադրված վայրէջք էր կատարել, քանի որ կասկածներ կային, թե դրանով միջուկային զենք են տեղափոխում: