Անակնկալ Լոնդոնի օլիմպիադայից

Անգլիան ընդամենը մեկ տարի հետո կհյուրընկալի աշխարհի տարբեր ծայրերի մարզասերներին: Իսկ մինչ այդ ինտեսիվ  պատրաստվում է մարզական ամենանշանավոր իրադարձությանը՝ օլիմպիադային:

2012թ. Լոնդոնի ամառային օլիմպիական խաղերի գլխավոր մարզադաշտի շինարարությունն ավարտված է: Ծախսվել է մոտ 570 միլիոն ֆունտ ստերլինգ: Մարզադաշտը կընդունեն միջազգային տեսուչները, կանցկացվեն մի քանի ստուգողական մրցումներ:

Մարզադաշտում տեղի կունենան օլիմպիական խաղերի բացման և փակման արարողությունները, ինչպես նաև ֆուտբոլի և աթլետիկայի մրցումները: Խաղերից հետո այն կպատկանի Վեսթ Հեմին. 80 հազար աթոռներից 20 հազարը կապամոնտաժվեն, կտեղադրվեն մեծ էկրաններ և տանիք: