Ոտքով էլ լինի` հասնելու ենք հանրահավաքին

ՀԱԿ Վանաձորի ակտիվիստները երթով անցել են բռնցքամարտիկ Սամսոն Խաչատրյանի թաղամասով՝ «Ազատություն» վանկարկմամբ, հորդորել մարդկանց ավելի ակտիվ լինել իրենց համաքաղաքացուն ազատ արձակելու գործում եւ կոչ արել մասնակցել մարտի 17-ի  հանրահավաքին:

«Մենք այդքան էլ մանկամիտ չենք, որ հավատանք, թե Լոռու մարզի  դատախազի հետ մեր հանդիպումը ինչ-որ բան է փոխելու, սակայն ինչ-որ բան կփոխվի ժողովրդի մեջ: Տեսնելով, որ մենք չենք վախենում, արտահայտում ենք մեր բողոքը եւ դեռ ողջ-առողջ ենք ու ազատության մեջ` նրանց մոտ եւս վախի մթնոլորտը կմարի»,- ասել է Վանաձորի ՀԱԿ ղեկավար Աշոտ Մանուկյանը:

Այն հարցին՝ եթե խոչընդոտներ լինեն՝ կապված մայրաքաղաք հասնելու հետ, ի՞նչ կանեն, նրանք պատասխանել են. «Ոտքով էլ լինի` գնալու ենք»: