Պաշտոնանկություններ` ոստիկակական համակարգում

Հայաստանի ոստիկանապետ, ոստիկանության գեներալ-լեյտենանտ Ալիկ Սարգսյանը փետրվարի 26-ին հրամաններ է ստորագրել ոստիկանության քրեական հետախուզության գլխավոր վարչության պետ, ոստիկանության գեներալ-մայոր Հովհաննես Թամամյանին եւ Արաբկիրի ոստիկանապետ, ոստիկանության գնդապետ Վարուժան Ադամյանին աշխատանքից ազատելու մասին: Նշված անձինք ոստիկանապետ Ալիկ Սարգսյանի հրամանով անցել են կադրերի տրամադրության տակ: Այդ մասին հայտնեց ֆոտոլրագրող Գագիկ Շամշյանը:

Ըստ որոշ տեղեկությունների` հիշյալ անձանց պաշտոնանկության պատճառը ոստիկանությունում իրականացված ծառայական քննությունն է` կապված անցյալ տարի Արաբկիր համայնքում տեղի ունեցած մի սպանության դեպքի հետ: Այդ դեպքի առիթով շոշափվում էր նաեւ Արաբկիրի նախկին թաղապետ, ՀՀԿ-ական Հովհաննես Շահինյանի քրոջ որդու անունը: