ԿԱՊԻՏԱԼ. Ծագող արևը խամրում է

Moody՚s միջազգային վարկանշային գործակալությունը Ճապոնիայի վարկանիշը «կայունից» իջեցրել Է մինչև «բացասական»: Ներկայումս Ճապոնիայի վարկանիշը Aa2 է:

Գործակալության փորձագետները մտավախություն ունեն, որ Ճապոնիան չի կարողանա կրճատել պետական պարտքը, որն ամենաբարձրն է զարգացած երկրների շրջանում: Ճապոնիայի վարկանիշի իջեցումը լրացուցիչ գործոն է դարձել ֆոնդային ինդեքսների շտկման համար, որը «հրահրվել» էր Մերձավոր Արևելքում ստեղծված իրավիճակով:

Ըստ Moody՚s-ի` կարճաժամկետ հեռանկարում ճգնաժամը, կապված Ճապոնիայի պարտքային պարտավորությունների հետ, քիչ հավանական է: Ճնշումը, ըստ էության, կմեծանա երկարաժամկետ հեռանկարում: Նշենք, որ ներկայում Ճապոնիայի պետական պարտքը կազմում է ՀՆԱ-ի շուրջ 200%-ը: