Փողոցից` հարսանիքի

Անօթեւանների պաշտպանության ակցիայի շրջանակներում արքայազն Ուիլյամի հետ փողոցում գիշերած տղամարդը հրավիրվել է արքայական հարսանիքի:

Բրիտանական «Սենթրփոյնթ» կազմակերպության ղեկավար Սեյա Օբակինը հայտնվել է արքայազն Ուիլյամի եւ նրա հարսնացու Քեյթ Միդլթոնի հարսանիքին հրավիրվածների ցուցակում:

Մարդասիրական ակցիան` փողոցում գիշերելը, որին մասնակցել էր նաեւ արքայազնը, տեղի է ունեցել 2009-ի դեկտեմբերին, եւ ինչպես ավելի ուշ խոստովանել է Ուիլյամը, շատ մեծ տպավորություն է թողել նրա վրա: Այդ գիշեր օդի ջերմաստիճանը իջել է մինչեւ -4 աստիճան, եւ ակցիայի մասնակիցները ստիպված են եղել ստվարաթղթե տուփերում քնել հենց մայթերին: