ՀԱՅԿԱԿԱՆ ԺԱՄԱՆԱԿ.Սիրտը ձյուն է ուզում

Երեւանի քաղաքապետարանի կազմտեսչական բաժնի պետ Գագիկ Բաղդասարյանը փետրվարի  18-ին Հայ ազգային կոնգրեսի անցկացվելիք երթն արգելելու պատրվակներ փնտրելիս պայծառատեսության բացառիկ կարողություններ է դրսեւորել:

Երթն անցկացնելու մասին իրազեկումը քննարկելիս Բաղդասարյանն ասել է, թե մտադիր է արգելել երթը, քանի որ փետրվարի 18-ին Երեւանում ձյուն է գալու: Այդ մասին Բաղդասաևյանին իբր հայտնել են «Հայպետհիդրոմետից»:

Պարզվեց, որ ոչ ոք Բաղդասարյանին այդ օրը տեղալիք ձյան մասին ոչինչ չի ասել, քանի որ դա տեխնիկապես հնարավոր չէ կանխատեսել: Բայց չենք պնդում, որ Բաղդասարյանը սուտ է խոսել եւ փորձել է դրանով սովորականի պես հաճոյանալ իր շեֆերին: Գագիկ Բաղդասարյանն ասում են` պայծառատես է:

Աչքերը փակելով ու խորը շունչ քաշելով` նա կարող է ասել, թե ինչ եղանակ է սպասվում Ուլան-Բատորում, ասենք` 2039 թ. մարտի 12-ին: Իսկ «Հայպետհիդրոմետի» վրա սուտ հղում անելով` նա պարզապես ուզում է, որ իր ունակությունների մասին ոչ ոք չիմանա: