Թուրք պատգամավորի սիրտը մի խոցված ռուսական ինքնաթիռ էլ է ուզում

Թուրքիայի խորհրդարանի` իշխող «Արդարություն և զարգացում» կուսակցության պատգամավոր Շամիլ Թայարը հիվանդագին է ընդունել Եվրալիգայի բասկետբոլի առաջնության եզրափակիչում թուրքական «Ֆեներբահչե»-ի պարտությունը մոսկովյան ԲԿՄԱ-ից. հայտնում է РИА Новости-ին:

«Մարդ ուզում է մի հատ էլ ռուսական ինքնաթիռ խոցել»,- գրել է նա Twitter-ի իր էջում բասկետբոլային խաղից հետո, որն ավարտվել է 101:96 հաշվով`հօգուտ ռուսների:

Հիշեցնենք, որ ռուս-թուրքական հարաբերություններում լարվածություն է առաջացել, երբ անցյալ տարվա նոյեմբերին թուրքական ռազմաօդային ուժերը խոցեցին Սիրիայում առաքելություն իրականացնող Սու-24 ռմբակոծիչը: ՌԴ նախագահ Վլադիմիր Պուտինը դա որակեց որպես թիկունքից հասված հարված: