Պերեսը կրկին ծայրահեղությունների գիրկն է ընկել

Մադրիդի «Ռեալի» նախագահ Ֆլորենտինո Պերեսը վերջնագիր է ներկայացրել թիմի գլխավոր մարզիչ Ժոզե Մոուրինիոյին. վերջինս կա՜մ տիտղոսներ կնվաճի, կա՜մ կհեռացվի պաշտոնից:

Պորտուգալացին ստիպված կլինի լքել արքայական ակումբի գլխավոր մարզչի պաշտոնը, եթե չհաղթի Պրեմիրան կամ Չեմպիոնների լիգան, տեղեկացնում է Don Balon-ը:

Նշենք , որ Իսպանիայի առաջնությունում «Ռեալը» զիջում է առաջատար «Բարսելոնային» 7 միավորով, իսկ Չեմպիոնների լիգայի 1/8 եզրափակչում թիմը կհանդիպի «Լիոնի» հետ: Հուսանք պատմությունը չի կրկնվի և արքայական ակումբն այս անգամ կհաղթահարի «Լիոնի» արգելքը և դուրս կգա 1/4-րդ եզրափակիչ, որը նրան վերջին տարիներին չի հաջողվում: