Ատոմակայանից արտահոսք չկա

Թուրքական  «Հուրրիեթ»-ի տվյալներով  Հայաստանի ԱԷԿ-ից արտահոսք կա, ինչից տուժում են Թուրքիայի սահմանամերձ 6  գավառները: Օրաթերթի հրապարակման համաձայն  թուրքական կողմը չափից սարքեր է տեղադրել, որոնք 60 օրվա ընթացքում հետազոտություն են կատարելու` պարզելու այդ գավառներում թոքերի քաղծկեղով հիվանդության բարձր մակարդակի պատճառները:

Հետազոտություններն սկսվել են Իգդիր քաղաքից: Թերթը նաեւ մեղադրել էր հայկական կողմին` ասելով, որ հրաժարվում են փակել աշխարհի 5 ամենավտանգավոր համարվող ատոմակայաններից մեկը:Հրապարակմանն ի պատասխան,«Հայատոմ» ատոմային էլեկտրակայանների շահագործման գիտահետազոտական ինստիտուտի տնօրեն, տեխնիկական գիտությունների թեկնածու Վահրամ Պետրոսյանը «Երկիր»-ին ասաց,  որ այդ լուրերը բացարձակ հերյուրանք են, եւ իրականության հետ որեւէ կապ չունեն: «Թող ինչքան ուզում են հետազոտեն, ուզում են, թող գան տեսնեն, ատոմակայանի մոտ` բոլորին հասանելի տեղում, չափիչ սարք է դրված: Ատոմակայանին հարակից տարածքում ռադիոակտիվությունն ավելի քիչ է, քան շատ քաղաքներում»,- ասաց Վահրամ Պետրոսյանը: