Վերջին 15 տարիների լավագույնը

Անգլիական Մանչեսթեր Յունայթեդի գլխավոր մարզիչ սըր Ալեքս Ֆերգյուսոնը գլխավորում է վերջին 15 տարիների լավագույն մարզիչների ցուցակը, որը հրապարակել է Ֆուտբոլային պատմության և վիճակագրության միջազգային ֆեդերացիան` IFFHS: Վարկանիշը կազմվել է ամենամյա հարցումների հիման վրա, որոնք անցկացվում են` սկսած 1996թ-ից: Համաձայն այդ հարցումների` յուրաքանչյուր մրցաշրջանի ավարտին միավորներ հավաքում էին 20 լավագույն մարզիչներ: Շոտլանդացի մարզիչ Ալեքս Ֆերգյուսոնը, ով աշխատում է Մանչեսթեր Յունայթեդի հետ 1986թ-ից, 222 միավորով գերազանցել է մեկ այլ անգլիացի վետերան Արսեն Վենգերին, ով գլխավորում է Արսենալը 1996թ-ից: Վերջին 15-ամյակի լավագույն մարզիչների եռյակը եզրափակում է Մարչելո Լիպին (146միավոր), ով փոքր տարբերությամբ շրջանցել է Ռուսաստանի հավաքականի նախկին մարզիչ Գուս Հիդինկին (141): Վերջին 15 տարիների լավագույն մարզիչները IFFHS-ի վարկածով` 1. Ալեքս Ֆերգյուսոն (Շոտլանդիա) - 222 միավոր 2. Արսեն Վենգեր (Ֆրանսիա) - 186, 3. Մարչելո Լիպի (Իտալիա) - 146, 4. Գուս Հիդինկ (Հոլանդիա) - 141, 5. Ժոզե Մոուրինիո (Պորտուգալիա) - 135, 6. Օտմար Հիցֆելդ (Գերմանիա) - 134, 7. Լուիզ Ֆելիպե Սկոլարի(Բրազիլիա) - 133, 8. Մարսելո Բիելսա (Արգենտինա) - 127, 9. Սվեն-Էրան Էրիքսոն (Շվեդիա) - 126, 10. Ֆաբիո Կապելո (Իտալիա) - 120