|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Այն ժամանակ, երբ Թուրքիայի նախագահ Ռեջեփ Թայիփ Էրդողանը ապրիլի 24-ին ինչ-որ միջոցառում է կազմակերպում` խուսափելու համար Հայոց ցեղասպանության 100-ամյա տարելիցին Երևան ժամանելու` իր ուսերին դրված ծանր «բեռից», Թուրքիայի ԱԳ նախարարությունը նոր սկանդալ է գրանցում:
Ըստ թուրքական Hurriyet-ի` ԱԳ նախարարությունը Չանաքքալեի 100-ամյակի կապակցությամբ հատուկ օրացույց է տպագրել: Օրացույցում տեղ են գտել Չանաքքալեի ճակատամարտի վերաբերյալ մի շարք լուսանկարներ: Սակայն ապրիլ ամսվա լուսանկարը սկանդալ է դարձել Թուրքիայում: Դրանում պատկերված է Երեւանի Ծիծեռնակաբերդում ապրիլքսանչորսյան ոգեկոչման մի դրվագ:
ԱԳ նախարարության ներկայացուցիչներն այդ մասին հայտարարությամբ են հանդես եկել և նշել, որ լուսանկարը օրացույցում հայտնվել է «սխալմամբ»:
Ըստ տեղեկությունների` անմիջապես կանգնեցվել է թերթերի բաժանումը: «Կայծակնային արագությամբ հետաքննություն է սկսվել` պարզելու, թե ինչպե՞ս է այդ լուսանկարը հայտնվել օրացույցում»,- գրում է կայքը: