Հայաստանն արժանի է, որ այն տեսնեմ համերգից ազատ մտքով

Պարզվում է Պլաչիդո Դոմինգոյի Հայաստան գալու ցանկությունը հին էր, բայց իրականացավ 5 տարի տևած բանակցությունների արդյունքում:

«Ամեն տարվա ծրագիրը կազմելիս ընտրում եմ այն երկրները, որտեղ պետք է վերադառնամ և ուր առաջին անգամ պետք է լինեմ: Հայաստանն այդ ցուցակ ներառելու մասին հաճախ եմ մտածել: Հայերն անհայտ չեն ինձ՝ մորս երգեցողության ուսուցչուհին հայ էր, ի վերջո հայ ընկերներ ունեմ, Շառլ ազնավուրը, Լևոն Սայանը, Ալան Ֆորսթը և ուրիշներ»,- տեղեկացրեց իսպանացի հռչակավոր տենոր Պլաչիդո Դոմինգոն:

Սակայն այս անգամ Հայաստանից տանելիք տպավորությունները պաշտոնական հանդիպումներով և ունկնդրին գնահատելով կձեւաորվեն:
«Հայաստանի պես հոյակապ երկիրն արժանի է, որ այն տեսնեմ, երբ միտքս համերգից ազատ կլինի: Այնպես որ, Հայաստան զբոսաշրջային այցս կմնա հաջորդ անգամ»,- կարծիք հայտնեց իսպանացի աշխարհահռչակ տենոր Պլաչիդո Դոմինգոն: