ՀՀ Արտգործնախարարությունը թաքցնելու բան չունի

«Մեր հայտարարություններն ու քայլերը համընկնում են, մենք ինչ ասում ենք հրապարակային, նույն կերպով էլ վարում ենք մեր քաղաքականությունը և որևէ թաքցնելու բան չունենք»,- այսօր առավոտյան ԵՐԿԻՐ-ին ասաց ՀՀ արտգործնախարարության մամուլի խոսնակ Տիգրան Բալայանը:

Նա հիշեցրեց, որ ԱՄՆ պետքարտուղարը մամուլի ասուլիսի ժամանակ էլ ասել էր, որ հայ-թուրքական հարաբերություններն ու Ղարաբաղյան հարցը որևէ առնչություն չունեն:

«Մենք վերահաստատում ենք, որ հայ-թուրքական կարգավորման գործընթացը որևէ առնչություն չունի Ղարաբաղյան խնդրի հանգուցալուծման հետ, և դա ոչ միայն մեր, այլև միջնորդ երկրների դիրքորոշումն է»,- ասաց ՀՀ արտգործնախարարության մամուլի խոսնակ Տիգրան Բալայանը: