Կոսովոն՝ մարդկային օրգանների թրաֆիքինգի միջազգային կենտրոն

Կոսովոյում 7 մարդու մեղադրանք է առաջադրվել մարդկային օրգանների թրաֆիքինգի միջազգային ցանցում մասնակցություն ունենալու համար, տեղեկացնում է NY Times-ը: Հանցավոր խումբը գործել է Կոսովոյում, Ստամբուլի, Մոսկվայի, Մոլդովայի և Ղազախստանի կարիքավոր մարդկանցից չնչին գումարով երիկամներ և այլ օրգաններ է գնել և վազագույնը 200 հազար դոլարով վաճառել Իսրայելում, Կանադայում և այլ երկրներում: Հետքննությամբ պարզվել է, որ անգամ շատերը չեն էլ ստացել խոստացված գումարը: Հանցավոր խումբը ղեկավարել է հայտնի վիրաբույժ, պրոֆեսոր Լութֆի Դերվիշին, իսկ վիրահատություններն իրականացվել է նրա որդու կլինիկայում:

Հանցավոր խմբի անդամներ են եղել նաև թուրք բժիշկ՝ Յուսուֆ Սոնմեզը, մի հրեա ֆինանսիստ և 2 այլ՝ թուրք և հրեա բժիշկներ:

Հանցավոր շրջանակը սկսել է բացահայտվել 2 տարի առաջ, երբ Պրիշտինայի օդանավակայանում ոստիկանները գտել են մի թուրք տղամարդ՝ թույլ և գունատ: Նա հայտնել է ոստիկաններին, որ իր երիկամը գողացել են: Ոստիկանները «Մեդիկուս» կլինիկայում հայտնաբերել հրեա մի տղամարդու, ու և փոխպատվաստել էին թուրք տղամարդու երիկամը:

Չնայած որ շրջանակը երկու տարի առաջ է բացահայտվել, ցանցի գլոբալ մասշտաբները և նրա զոհերը դեռ նոր են պարզ դառնում: