Հորմուզի նեղուցում երկու գերլցանավ պայթել են ականների վրա․ ԻՀՊԿ

Երկու գերլցանավ, որոնք փորձում էին ապօրինի անցնել Հորմուզի նեղուցի հարավային մասով, շարքից դուրս են եկել ծովային ականների վրա պայթելու հետևանքով: Այս մասին ասված է Իսլամական հեղափոխության պահապանների կորպուսի հայտարարության մեջ, հայտնում է ՏԱՍՍ-ը։

«Այսօրվա սկզբից ի վեր երկու օրինախախտ սուպերտանկեր, որոնք փորձում էին անցնել Հորմուզի նեղուցի չթույլատրված և հարավային երթուղով, բախվելով ծովային ականի, պայթյունից և ուժգին հրդեհից հետո շարքից հանել են իրենց մեքենայական բաժանմունքները և կանգ առել տեղում»,- նշվում է հայտարարության մեջ:

Նշվում է, որ ընդհանուր առմամբ նավերը տեղափոխում էին ավելի քան 4,5 մլն բարել հում նավթ: Հզոր պայթյունների և մեկնարկած ուժգին հրդեհների պատճառով երկու նավերն էլ կորցրել են ընթացքը և անշարժացել տեղում, իսկ վթարված նավերի անձնակազմերը էվակուացվել են, լցանավերը լքվել են Հորմուզի նեղուցի հարավային ափամերձ գոտում: