Սաուդյան Արաբիայում 2 օդանավակայան է վնասվել հութիների հարձակումներից

Սաուդյան Արաբիայի հարավում երկու օդանավակայան է վնասվել Եմենի հութիների հարձակումների հետևանքով, հաղորդում է Al Jazeera-ն։

Հոկտեմբերի 5-ին հութիները հայտնել էին Էր Ռիադի և Աբհայի օդանավակայաններին հասցված հարվածների մասին։ Ավելի ուշ Սաուդյան Արաբիայի քաղավիացիայի գլխավոր վարչությունը հայտնել է Նաջրան և Ջիզան քաղաքների օդանավակայանների վրա հարվածների հետևանքով տուժածների մասին։ Օդանավակայանի ենթակառուցվածքները «նյութական վնաս» են կրել։ Հաղորդվել է նաև Ռաբհայում գտնվող Aramco ընկերության նավթավերամշակման գործարանը խոցելու մասին։

Միևնույն ժամանակ, Սաուդյան Արաբիայի ռազմածովային ուժերը հարվածել էին հութիների օբյեկտներին Կարմիր ծովի ափին գտնվող Հոդեյդա եմենական նահանգում։