«Մակրոնի կինը նախկինում տղամարդ է եղել»․ պնդման համար դատված լրագրողը հաղթել է դատարանում

Ֆրանսիացի լրագրող Նատաշա Ռեյը Փարիզի վերաքննիչ դատարանում հաղթել է Ֆրանսիայի նախագահ Էմանուել Մակրոնի կնոջ՝ Բրիջիտ Մակրոնի դեմ զրպարտության գործը։ Նրա փաստաբան Ֆրանսուա Դանգլյանը այս մասին հայտարարել է X սոցիալական ցանցում։ 

2024 թվականի սեպտեմբերին Փարիզի դատարանը Ռեյին, ով իր ռեպորտաժում Բրիջիտ Մակրոնին տղամարդ էր անվանել, պարտավորեցրել էր 13,500 եվրո փոխհատուցում վճարել՝ զրպարտության համար։ Սակայն 2025 թվականի հուլիսին Փարիզի վերաքննիչ դատարանը նույն գործով արդարացրել էր լրագրողին։

2021 թվականի դեկտեմբերին՝ Ֆրանսիայի նախագահական ընտրություններից մի քանի ամիս առաջ, անկախ լրագրող Նատաշա Ռեյը YouTube-ում հրապարակված  տեսանյութում հայտարարել էր, որ մի քանի տարի շարունակ հետաքննում է Ելիսեյան պալատի առաջին տիկնոջ իրական սեռը, ով իր ամուսնուց 24 տարով մեծ է։

Ռեյը պնդում էր, որ նախագահ Մակրոնի դպրոցի ուսուցչուհի Բրիջիթը (ծննդյան ազգանունը՝ Տրոնյո), իրականում ծնվել է Ժան-Միշել անունով տղամարդ։