Ծովագյուղում Toyota Camry-ն կամրջի վրայից ընկել է գետը. կա վիրավոր

Այսօր՝ մայիսի 17-ին, կասկադյորական ավտովթար է տեղի ունեցել Գեղարքունիքի մարզում։ 

shamshyan.com-ի փոխանցմամբ՝ ժամը 07:00-ի սահմաններում Ծովագյուղ-Շորժա-Վարդենիս ավտոճանապարհի 1-ին կմ հատվածում Շիրակի մարզի բնակիչ 30-ամյա Մարինե Մ․-ն իր վարած «Toyota Camry» մակնիշի ավտոմեքենայով դուրս է եկել ճանապարհի երթևեկելի գոտուց բախվել է կամրջի երկաթբետոնե արգելապատնեշներին, կոտրել ճաղավանդակը և մոտ 10 մետր բարձրությունից հայտնվել գետում։

Վթարի հետևանքով վարորդը մարմնական վնասվածքներով տեղափոխվել է«Սևան» բժշկական կենտրոն։

Դեպքի վայր են ժամանել ՀՀ Ներքին գործերի նախարարության փրկարար ծառայության Սևանի հրշեջ փրկարարական ջոկատից՝ 1 մարտական հաշվարկ։

Վթարի փաստով  ՊԾ Գեղարքունիքի մարզում փաստաթղթեր են ձևակերպվում։