Վերջին 40 օրում իրանցի ժողովուրդը փոխեց ուժերի համաշխարհային հավասարակշռությունը. Փեզեշքիան

Իրանի Իսլամական Հանրապետության նախագահ Մասուդ Փեզեշքիանը դիմել է ժողովրդին՝ երկրի Գերագույն առաջնորդի նահատակության քառասուներորդ օրվա («Արբաին») առիթով։

Ինչպես հայտնում է իրանական IRNA, Փեզեշքիանն իր ուղերձում ամփոփել է աննախադեպ քառասունօրյա դիմակայության արդյունքները և բացատրել, թե ինչու է հակառակորդի կողմից Իրանի պայմանների ընդունումը պատմական հաղթանակ։

«Մեծ հաղթանակը, որը մենք այսօր տեսնում ենք՝ Իրանի պայմանների ընդունումը հրադադարի համար, քառասունօրյա հերոսական դիմադրության և մեր հողի համար թափված մաքուր արյան պտուղն է։ Մենք հակառակորդին պարտադրեցինք իրանցի ժողովրդի կամքը»,-հայտարարել է նա։