Իրանը չեզոքացնում է Հորմուզի նեղուցի հարցով իր դեմ կոալիցիայի ստեղծման ջանքերը. իրանագետ

Այսօր ՄԱԿ-ի ԱԽ-ում Ռուսաստանի, Չինաստանի և Ֆրանսիայի ջանքերով տապալվել է Բահրեյնի կողմից ներկայացված բանաձևի ընդունումը, ըստ որի՝ մասնավորապես, Պարսից ծոցի երկրները իրավունք կստանային նաև ուժի կիրառությամբ բացել Հորմուզի նեղուցը։ Այս մասին գրել է իրանագետ Վարդան Ոսկանյանը։

«Ռուսաստանի և Չինաստանի դիրքորոշումն անսպասելի չէր, սակայն «տարօրինակ» էր Ֆրանսիայի մոտեցումը։

Ամեն ինչ պարզ է դառնում, սակայն, եթե հաշվի առնենք, որ այսօր Իրանի թույլտվությամբ Հորմուզի նեղուցով անցել է նավթով բեռնված ֆրանսիական նավը։ Թե ինչպես է Իրանը չեզոքացնում Հորմուզի նեղուցի հարցով իր դեմ կոալիցիայի ստեղծման ջանքերը, գրել էի երեկ, իսկ այսօր ականատեսը եղանք դրա հերթական օրինակին»,-գրել է նա։