Թրամփի հատուկ ներկայացուցիչը հայտնել է Զելենսկու և Պուտինի հնարավոր հանդիպման մասին

Ուկրաինայի նախագահ Վլադիմիր Զելենսկու և Ռուսաստանի նախագահ Վլադիմիր Պուտինի հանդիպումը կարող է կայանալ մոտ ժամանակներս։ Այս մասին Fox News-ին տված հարցազրույցում հայտարարել է ԱՄՆ նախագահի հատուկ ներկայացուցիչ Սթիվ Ուիթքոֆը։

Ըստ նրա, չի բացառվում նաև եռակողմ ձևաչափը՝ ԱՄՆ նախագահ Դոնալդ Թրամփի մասնակցությամբ։

Ըստ Ուիթքոֆի, պատերազմը շարունակվում է տարածքների շուրջ վեճերի պատճառով, և կողմերը դեռևս չեն կարողանում հասնել համաձայնության, փոխանցտեղեկացնում է УНИАН-ը։ «Մենք Ջարեդ Քուշների հետ հույս ունենք, որ մեր առաջարկները կկարողանան միավորել կողմերին առաջիկա երեք շաբաթվա ընթացքում և, հնարավոր է, հանգեցնեն Զելենսկու և Պուտինի հանդիպմանը։ Հնարավոր է նաև եռակողմ հանդիպում՝ նախագահ Թրամփի մասնակցությամբ», – նշել է նա։

Ուիթքոֆն ընդգծել է, որ Թրամփը կհամաձայնի հանդիպմանը միայն այն դեպքում, եթե արդյունքի իրական հնարավորություն տեսնի։  «Նա դա անելու եզակի կարողություն ունի։ Հուսով եմ, առաջիկա շաբաթներին դուք լավ նորություններ կլսեք»։