Իրանը չի հրաժարվում ուրանի հարստացման ծրագրից. Արաղչի

Թեհրանը պնդում է ուրանը հարստացնելու իր իրավունքի վրա, նույնիսկ եթե դա հանգեցնի պատերազմի։ «ՌԻԱ նովոստի» -ի փոխանցմամբ ասել է Իրանի արտաքին գործերի նախարար Աբբաս Արաղչին։

«Ինչո՞ւ ենք մենք այդքան պնդել այդ իրավունքի վրա և պատրաստ չենք հրաժարվել դրանից, նույնիսկ եթե պատերազմը մեզ պարտադրվի։ Որովհետև ոչ ոք իրավունք չունի մեզ ասել, թե ինչ պետք է անենք և ինչ չպետք է անենք», - նրա խոսքերը մեջբերում է նախարարի պաշտոնական Telegram ալիքը ։

Արաղչին ընդգծեց, որ եթե որևէ մեկը մտահոգություններ ունի այն մասին, թե արդյոք Իրանի միջուկային ծրագիրը մնում է խաղաղ նպատակներով, Թեհրանը պատրաստ է մեղմել այդ մտահոգությունները և պատասխանել բոլոր հնարավոր հարցերին՝ կառուցելով վստահություն, եթե այն դեռևս գոյություն չունի։

«Այնուամենայնիվ, ոչ ոք իրավունք չունի մեզ ասել, որ մենք չենք կարող ինչ-որ բան ունենալ միայն այն պատճառով, որ ուրիշները չեն ուզում, որ մենք այն ունենանք»,-հավելել է նա։

Ուրբաթ օրը ԱՄՆ-ի և Իրանի պատվիրակությունները բանակցություններ են վարել Օմանի Մասկատ քաղաքում՝ Իրանի միջուկային ծրագրի վերաբերյալ։ Օմանի միջնորդությամբ անցկացված հանդիպումը առաջինն էր 2025 թվականի հունիսին Իրան-Իսրայել հակամարտության բաց փուլից հետո բանակցային գործընթացում ամիսներ տևած դադարից հետո։