Երուսաղեմի հրապարակներից մեկը կոչվել է Հայոց ցեղասպանությունը վերապրած Եղիա Քահվեջյանի անունով

Երուսաղեմի քաղաքապետարանը հրապարակ է անվանակոչել հայտնի լուսանկարիչ Էլիա Քահվեջյանի պատվին, հաղորդում է Первый Ближневосточный թելեգրամյան ալիքը։

Ցուցանակին եբրայերեն գրված է՝ «Էլիա Քահվեջյան հրապարակ։ Հայոց ցեղասպանությունը վերապրած լուսանկարիչ, Երուսաղեմի սիրահար»։

«Էլիա Քահվեջյանը ծնվել է Ուրֆայում։ Նա ընդամենը հինգ տարեկան էր 1915 թվականին, երբ քաղաքի հայ բնակչությունը ապստամբեց թուրքական բանակի դեմ։ Ապստամբությունը սկսվեց Օսմանյան կայսրությունում հայերի կոտորածների մասին հաղորդագրություններից։ Ապստամբներից շատերը սպանվեցին, նրանց թվում՝ Քահվեջյանի հայրը և նրա եղբայրներից մեկը, իսկ ողջ մնացած հայ բնակչությունը, որոնց թվում՝ կանայք, երեխաներ և տարեցներ, մահվան երթի ուղարկվեցին դեպի սիրիական անապատ՝ Դեր էզ-Զորի մերձակա համակենտրոնացման ճամբար, որը հետագայում անվանվեց «Հայերի Օսվենցիմ»։