Հայոց ցեղասպանությունը վերապրած 106-ամյա Լուսինե Բերեջիկլյանը մահացել է

Արգենտինայում 106 տարեկան հասակում մահացել է Հայոց ցեղասպանության վերջին վերապրածներից` Լուսինե Բերեջիկլյան դե Խաչերյանը. հաղորդում է rusarminfo.ru կայքը` հայ-արգենտինական «Prensa Armenia» պարբերականին հղունով:

Բերեջիկլյանը գրեթե ամբողջ կյանքն ապրել է Բուենոս Այրեսում և տեղի հայ համայնքի ամենաակտիվ գործիչներից էր:

Ըստ փաստաթղթերի` նա ծնվել էր 1909 թ. Այնթափ քաղաքում: Ցեղասպանության տարիներին Բերեջիկլյանների ընտանիքը փախել էր Սիրիա: Բռնագաղթի ընթացքում Լուսինեն կորցրել էր մորը, իսկ մի քանի տարի անց` նաև հորը:

«Ավելի լավ է չհիշել Ցեղասպանությունը: Անհնար է քնել այդ հիշողությունների պատճառով»,- ասել էր նա արգենտինական «Clarín» պարբերականին 2015 թ. տված հարցազրույցում:

Լուսինեն եղբայրների և քրոջ հետ Սիրիայից Արգենտինա էր տեղափոխվել 16 տարեկան հասակում: