Հրատապ․ Մի հոգու բերման ենթարկեցին. պատգամավորի մեկնաբանությունները` Շիրակի առաջնորդարանից

«Այս պահին քննչական գործողությունները շարունակվում են, առաջնորդարանի մուտքը փակ է, ոչ ոքի թույլ չեն տալիս ներս մտնել։ Ժողովուրդը հավաքվում է՝ ի աջակցություն և զորակցություն Հայ Առաքելական Սուրբ Եկեղեցու և թեմի առաջնորդ Միքայել արքեպիսկոպոս Աջապահյանի»,- այս մասին Yerkir.am-ի հետ զրույցում նշեց ԱԺ «Հայաստան խմբակցության պատգամավոր Մհեր Մելքոնյանը ով այս պահին գտնվում է Շիրակի թեմի առաջնորդարանում, որտեղ առավոտից ապօրինի խուզարկություններ են։

«Ես ներկայացա, որ պատգամավոր եմ, ցանկություն հայտնեցի վերև բարձրանալու և տեղում հասկանալու, թե ի՞նչ է կատարվում, սակայն ինձ ներս չթողեցին առանց որևէ պատճառաբանության»- նշեց նա։

Մելքոնյանը նշեց, որ այնտեղ հավաքվածները կամաց-կամաց շատանում են, առանց պատճառաբանության մասնակիցներից մեկ հոգու բերման ենթարկեցին։

«Ժողովուրդը հավաքի, իսկ մենք կասենք մեր հետագա քայլերի մասին, թե ի՞նչ ենք նախատեսում անել»,- ասաց Մելքոնյանը։