Էս թրքահպատակ իշխանությանը մեր վերջին հույսը կտրում ա․ խի՞ ես չուլանդ պախկվել, իջի՛ ստեղ, պատասխան տուր մեզ․ անհետ կորածի հարազատը՝ Փաշինյանին

Այսօր՝ հունիսի 18-ին, ՀՀ կառավարության շենքի դիմաց բողոքի ակցիա են անցկացրել Ադրբեջանի կողմից գերեվարված և անհետ կորած համարվող անձանց հարազատները։ Նրանք բարձրաձայնել են իրենց մտահոգությունն այն կապակցությամբ, որ Նիկոլ Փաշինյանի որոշմամբ ԱԱԾ տնօրենի պաշտոնից ազատվել է Արմեն Աբազյանը։

Հարազատների համոզմամբ՝ հենց Աբազյանն էր ակտիվորեն զբաղվում գերեվարվածների և անհետ կորածների հարցերով, ուստի նրանք անհանգստացած են, թե արդյոք նորանշանակ պաշտոնյան կշարունակի նույն հետևողականությամբ աջակցել իրենց հարազատների վերադարձին։

Ակցիայի մասնակիցները կոչ են անում իշխանություններին՝ բացատրել տեղի ունեցածի պատճառները և վստահեցնել, որ գերիների և անհետ կորածների խնդիրը շարունակելու է մնալ պետական ուշադրության կենտրոնում։

Մանրամասն՝ տեսանյութում։