Փաշինյանը պատրաստվում է հակապետական քայլի, որը կարող է խոչընդոտել միայն եկեղեցին․ վարչապետ ես, ինչ ես, իրավունք չունես մտնես հոգևոր դաշտ․ Հակոբ Ասլանյան

«Ես գտնում եմ, որ այն, ինչ այսօր արվում է Հայ Եկեղեցու հանդեպ, մեծ սխալ է։ Վարչապետն իրավունք չունի մտնելու հոգևոր դաշտ։ Եթե դժգոհություն կա, դա որոշելու են հոգևորականությունը և ժողովուրդը»,- ճեպազրույցի ժամանակ ասաց ԱԺ պատգամավոր Հակոբ Ասլանյանը։

Նա ընդգծեց, որ Եկեղեցու դեմ իրականացվող գործընթացի հիմքում շատ խորը բան կա․ «Նիկոլ Փաշինյանը պատրաստվում է հակապետական գործ անել, փորձում է Եկեղեցուն մի կողմ հրել, որպեսզի Եկեղեցին չդառնա խոչընդոտ իր այդ գործողությունների համար»։

Պատգամավորի խոսքով՝ Նիկոլ Փաշինյանը մի ցանկություն ունի՝ ամեն գնով կնքել խաղաղության համաձայնագիրը, որպեսզի վերընտրվի։