Հրազդանում առյուծը հոշոտել է կերակրողին /տեսանյութ/

Երեկ 17.30-ի սահմաններում Հրազդանի մասնավոր գազանանոցում դժբախտ դեպքի արդյունքում մարդ է մահացել:

Առյուծը հարձակվել է իրեն կերակրող 21-ամյա երիտասարդ Նվեր Սարգսյանի վրա:

Ըստ Նվերի հարազատների, հարձակումից առաջ Նվերը փորձել է առյուծին կերակրել վանդակի փոքրիկ պատուհանից, սակայն առյուծը իր մռութով փակել է պատուհանիկը: Երիտասարդը ոտքով փորձել է հեռացնել առյուծին, որն անմիջապես բռնել է ոտքից ու քաշել:

Նվերը, հարազատների պատմելով իրեն չի կորցրել, ձեռքով խփել է առյուծին, սակայն առյուծն արդեն արյունլվա եղած ոտքը թողել  եւ բռնել է Նվերի աջ ձեռքը: Գազանանոցի աշխատակիցները օգնության են հասել դժբախտ երիտասարդին, եւ ի վերջո գրեթե արյունաքամ վիճակում երիտասարդին ազատել են առյուծի երախից:

Հրազդանի բժշկական կենտրոնը ամայի տարածքում գտնվող գազանանոցից հեռու չէ, սակայն ճանապարհը չափազանց անմխիթար է, երիտասարդին մինչեւ հասցրել են հիվանդանոց, նա արյունահոսությունից մահացել է: Այս պահին նրա դին գտնվում է հիվանդանոցի դիահերձարանում: Հարազատները պատահարը համարում են Նվերի անզգուշության արդյունք: Գազանանոցը չի աշխատում:

Տեսանյութը տես այստեղ

Լուսանկարնեը` Գագիկ ՇԱՄՇՅԱՆԻ