Մենք ենք որոշում՝ երբ դուրս գանք փողոց և ինչ անենք, այս պահին մեծ տնային աշխատանք կա անելու. Իշխան Սաղաթելյան

Իշխանությունը ժողովրդին մոլորեցնում էր, թե ԵՄ ենք գնում, բայց հիմա հրապարակային ասում են, որ բանակցություններ չեն տարվում այդ ուղղությամբ։ Իշխանությունն արտաքին քաղաքական վեկտորը ոչ թե Արևմուտք է տանում, այլ՝ Թուրքիա։ ՀՀ-ում վխտում են թուրք-ադրբեջանական գործակալները, որոնք ձևացնում են, թե իրենք պայքարում են ինքնիշխանության, պետականության համար, բայց պայքարում են ՌԴ-ի դեմ, մի թթու բառ չեն ասում թշնամական պետություններին։ Այս մասին 24News-ի հետ զրույցում նշեց ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը՝ անդրադառնալով ՌԴ ԱԳ նախարար Սերգեյ Լավրովի՝ ՀՀ այցին և Արարատ Միրզոյանի հայտարարություններին։

Խոսելով փողոցային պայքարի մասին` Սաղաթելյանը ընդգծեց, որ իրենք ունեն ծրագիր, ամեն ինչ անելու են, որ 2026 թիվ իշխանությունը չհասնի, եթե այլ ուժ ունի լուրջ ծրագիր, կարող են քննարկել․ «Մենք ենք որոշում՝ երբ դուրս գանք և ինչ անենք, այս պահին մեծ տնային աշխատանք կա անելու, 8000-10000 կազմակերպված մարդ է պետք, որ դուրս գան փողոց և իրենց կամքը թելադրեն, հասնեն երկիշխանության։ Որևէ մեկի ձեռքը չենք բռնել, թող գործընթաց սկսեն։ Մենք ասում ենք՝ ամեն ինչ դրեք մի կողմ, խելք-խելքի տանք, համագործակցենք, փորձ ունենք»։

Նյութն ամբողջությամբ՝ սկզբնաղբյուր կայքում: