Թշնամի պետությունը ոչնչացրել է ազգային հերոս Գարեգին Նժդեհի հուշարձանը

Հայկական լեռնաշխարհի մշակութային ժառանգության օմբուդսմեն Հովիկ Ավանեսովն ահազանգում է, որ Արցախի Հանրապետության Մարտունի քաղաքում «ադրբեջանցիների» կողմից ոչնչացվել է ազգային հերոս Գարեգին Նժդեհի հուշարձանը։

2025 թվականի մայիսի 17-ին Կովկասի պատմության կենտրոնի տնօրեն Ռիզվան Հուսեյնովը իր տելեգրամյան ալիքում հրապարակել է տեսանյութ, որտեղ հստակ երևում է, որ բռնազավթված Արցախի Հանրապետության Մարտունի քաղաքում «ադրբեջանցիների» կողմից ոչնչացվել է ազգային հերոս Գարեգին Նժդեհի հուշարձանը։ Հուշարձանը տեղադրվել էր 2020 թվականի սեպտեմբերի 26-ին, իսկ դրա հեղինակն է քանդակագործ Արմեն Պետրոսյանը։

Այս փաստը ևս մեկ անգամ վկայում է, որ Արցախի պատմամշակութային ժառանգությունը գտնվում է ոչնչացման սպառնալիքի տակ։