ՀՕՊ ուժերը մեկ գիշերվաընթացքում ոչնչացրել են ուկրաինական 26 դրոն. ՌԴ ՊՆ

ՀՕՊ ուժերը մեկ գիշերվա ընթացքում ոչնչացրել են ուկրաինական 26 դրոն, հայտնում է ՌԴ պաշտպանության նախարարությունը:

«Մայիսի 4-ի Մոսկվայի ժամանակով ժամը 23:00-ից մինչև մայիսի 5-ի ժամը 02:30-ն ընկած ժամանակահատվածում ՀՕՊ-ի հերթապահ միջոցները որսացել և ոչնչացրել են ուկրաինական 26 անօդաչու թռչող սարք, այդ թվում 17-ը՝ Բրյանսկի, 5-ը՝ Կալուգայի, 4-ը՝ Մոսկվայի մարզերի օդային տարածքներում», - ասված է ՌԴ պաշտպանական գերատեսչության հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։