Դարձել եմ Ինեկոբանկի զեղծարարության զոհ, սողանցքներ են թողնում, որ հետո քաղաքացուն մեղադրեն․ Թեհմինե Բուռնուսուզյան

Տասնյակ քաղաքացիներ, որոնց անուններով ձևակերպվել են հսկայական չափի՝ մինչև 12 մլն դրամի և 53.000 դոլարի վարկեր, կրկին բողոքի են դուրս եկել՝ այս անգամ Կենտրոնական բանկի դիմաց։

«Հանրային վերահսկողություն» ՀԿ ղեկավար Մհեր Կարագյոզյանը հայտարարում է՝ ԿԲ-ի և որոշ բանկերի կողմից տրված խոստումներն իրականություն չեն դարձել, իսկ վարկային զեղծարարությունների լուծման փոխարեն որոշ բանկեր փորձում են քաղաքացիներին ներգրավել նոր, գայթակղիչ թվացող, սակայն վտանգավոր պայմանագրերի մեջ։

«ԱյԴի բանկը փորձում է երկրորդ ծուղակն ստեղծել. առանց որևէ գործող պայմանագրի՝ քաղաքացիներին հրավիրում են նոր պայմանագիր կնքելու՝ հետաձգված վճարումներով»,- նշում է Կարագյոզյանը։

Տուժածներն, ըստ ՀԿ-ի, հրաժարվել են նման պայմաններից՝ պահանջելով ամբողջական չեղարկում և արդարություն։

Մանրամասն՝ տեսանյութում