Սիրելի քաղաքացիներ, պատրաստվեք, հաջորդ տարվանից քրեական հետապնդման եք ենթարկվելու․ Խամոյան

«Որևէ հարց չլուծած լինելով հանդերձ՝ իշխանությունն ընդդիմությանն այս անգամ էլ ընդդիմությանը մեղադրում է համակարգը «դեմոնիզացման» մեջ»,-ԱԺ-ում հայտարարաեց «Հայաստան» խմբակցության պատգամավոր Ագնեսա Խամոյանը՝ համընդհանուր հայտարարագրման մասին օրինագծի քննարկման ժամանակ։

Պատգամավորը հարցրեց, որ ինքը ինչն է դեմոնիզացրել, երբ գրավոր հարցրել է ՊԵԿ-ին և Գլխավոր դատախազին, թե հայտարարագիր չներկայացնելը կամ սխալ լրացնելը արդյոք Քրական օրենսգրքի 444 հոդվածով նախատեսած ազատազրկում է ենթադրում։

«Սիրելի հայրենակիցներ, ես պնդում եմ, որ այն փորձանք է լինելու ձեր գլխին, բայց իշխանություններն այդ մասին լռում են»,-հայտարարեց Խամոյանը և հավելեց. «Պատսրաստվեք, որ հաջորդ տարվանից քրեական պատասխանատվության կենթարկվեն այն քաղաքացիները որոնք չեն լրացնի կամ սխալ կլրացնեն եկամտի հայտարարագիրը»։

Օրենքի նախագծի համահեղինակ, ՔՊ-ական Բաբկեն Թունյանն էլ ասաց, որ եթե հաջորդ տարի քաղաքացիները քրեական պատասխանատվության ենթարկվեն, ինքը հրապարակային ներողություն կխնդրի խամոյանից, իսկ եթե չլինի նման բան, ապա՝ Խամոյանը։

Նշենք, որ ՔՊ-ն կողմ քվեարկեց եկամտի հայտարարագրի վերջնաժամկետը մայիսի 1-ից նոյեմբերի 1-ը տեղափոխող օրինագիծը։