Մենահամերգին ընդառաջ Մավր Մկրտչյանը հանդիսատեսի դատին է հանձնել նոր տեսահոլովակ

Մայիսի 11-ին՝ Արամ Խաչատրյան համերգասրահում տեղի կունենա երգիչ Մավր Մկրտչյանի «Կանչ Հայոց Տան» խորագրով մենահամերգը։

Համերգին ընդառաջ երգիչն իր հանդիսատեսին է ներկայացրել նոր երգի և տեսահոլովակի պրեմերիա՝ «Դու ու էլի դու»:

Համերգի ընթացքում հանդիսատեսին կներկայացվի Մավրի երգացանկից արդեն սիրված և ճանաչված երգեր, ինչպես նաև կլինեն նոր կատարումներ, որոնք կհնչեն առաջին անգամ։

Հանդիսատեսին սպասվում է կենդանի նվագակցությամբ, հետաքրքիր երաժշտական և լուսաձայնային լուծումներով, հատուկ հյուրերով և անկեղծ հույզերով։ 

Համերգային ծրագիրը կազմված է թեմատիկ բաժիններից՝ ռեժիսորական հետաքրքիր լուծումներով, կհնչեն հոգևոր, ժողովրդական, աշուղական, կոմպոզիտորական, հայրենասիրական, ֆոլկլոր և հեղինակային երգեր։

Երաժշտական մասի ղեկավարն է երգիչ, երաժիշտ Գարեգին Առաքելյանը (Gata Band):