|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ, որի ընթացքում քննարկվել են երկկողմ հարաբերությունները, ինչպես նաև տարածաշրջանային և գլոբալ հարցեր, հայտնում են թուրքական լրատվամիջոցները։
Էրդողանն ընդգծել է, որ Անկարան շարունակում է ջանքեր գործադրել Ռուսաստանի և Ուկրաինայի միջև պատերազմին վերջ տալու համար և պատրաստ է նպաստել խաղաղ բանակցություններին, ներառյալ դրանք իր տարածքում անցկացնելը։ Նա նշել է երկխոսության կարևորությունը, որին կմասնակցեն հակամարտության երկու կողմերը՝ չբացառելով նրանցից որևէ մեկը։
Անդրադառնալով Գազայում տիրող իրավիճակին, Թուրքիայի նախագահն անընդունելի է համարել պաղեստինցիներին Եգիպտոս, Հորդանան կամ որևէ այլ երկիր վերաբնակեցնելու ծրագիրը։
Բանակցություններից հետո առաջնորդները պայմանավորվել են ՆԱՏՕ-ի շրջանակում ավելի սերտ համակարգման և նոր քաղաքական շրջափուլում Թուրքիայի և Ֆրանսիայի միջև փոխգործակցության ավելացման մասին: