Հռոմի Ֆրանցիսկոս պապի մոտ երկկողմանի թոքաբորբ է հայտնաբերվել

Հռոմի կլինիկայում բուժում անցնող Ֆրանցիսկոս պապի մոտ հայտնաբերել են երկկողմանի թոքաբորբ: Այս մասին հայտնել են Վատիկանի մամուլի ծառայությունից։ 

Նշվում է, որ 88-ամյա քահանայապետի մոտ շնչառական վարակը հանգեցրել է նաև բրոնխիալ ասթմայի։

«Լաբորատոր թեստերը, կրծքավանդակի ռենտգեն ախտորոշումը և Սրբազան Հոր վիճակը ցույց են տալիս բարդ պատկեր», - ասվում է մամուլի ծառայության հայտարարության մեջ։

Ներկայում քահանայապետը հակաբիոտիկներով բուժում է ստանում:

Այդուհանդերձ, նա լավ տրամադրություն ունի և շնորհակալություն է հայտնում իր ապաքինման աղոթքների համար, հավելել է Վատիկանի մամուլի քարտուղար Մատեո Բրունին։

Ֆրանցիսկոս պապը հունվարին հիվանդացել էր բրոնխիտով։ Փետրվարի 14-ին նա հոսպիտալացվել է Հռոմի Agostino Gemelli կլինիկա, քանի որ հիվանդությունը ձեռք էր բերել քրոնիկական բնույթ։