Մեծ բեկումը․ ծնելիության մակարդակն ավելի արագ է նվազում, քան կանխատեսվում էր

ՄԱԿ-ի համապատասխան կառույցի կողմից դեռևս 2017 թվականից արվող կանխատեսումները, որ ծնելիությունը շարունակելու է նվազել ամբողջ աշխարհում, անլուրջ էր ընդունվում տարբեր երկրների հանրային և պետական գործիչների մեծ մասի կողմից։

Հիմա պարզվում է, որ ծնելիության գործակիցն ավելի արագ է նվազում, քան սպասվում էր 2022 թ. կանխատեսմամբ։

2024 թ. կնոջ պտղաբերության ամենացածր ցուցանիշը Հեռավորարևելյան տարածաշրջանում (Արևելյան Ասիայում) է 1.32, իսկ ամենաբարձրը Անդրսահարյան Աֆրիկայում 4.26։ Եթե նախկինում մասնագետները կարծում էին, որ կնոջ պտղաբերության համաշխարհային միջին գործակիցը 2.2 կիջնի 2025 թվից հետո, հիմա պարզվում է, որ դա տեղի է ունեցել 2024 թ., իսկ այս տարի ցուցանիշը դրանից ցած է իջնելու, հետևաբար տեղի է ունենում ՄԱՐԴԿՈՒԹՅԱՆ ՊԱՏՄՈՒԹՅԱՆ ԱՄԵՆԱԲԵԿՈՒՄՆԱՅԻՆ ԻՐԱԴԱՐՁՈՒԹՅՈՒՆԸ մարդկությունը, որպես տեսակ, մտնում է լատենտ դեպոպուլյացիայի փուլ, երբ արդեն իրողություն է, որ միջինը մեկ սերունդ հետո աշխարհում մահվան դեպքերը գերազանցելու են ծնունդներին։

Միքայել Մալխասյան

ԵՊՀ Հայոց ցեղասպանության ամբիոնի դոցենտ