Ոչ միայն օկուպացիոն ռեժիմի առաջնորդ է, այլ նաև այդ ռեժիմի մասնակիցների նարատիվներն է կրկնում․ Գառնիկ Դանիելյանը՝ Փաշինյանի մասին

Այսօր տեսնում ենք, որ ծնողները վրդովված են, որ առավոտ կանուխ իրենց հնարավորություն չի տրվել անգամ իրենց երեխաների, ամուսինների շիրիմներին այցելել և սա արդեն այս իշխանությունների կողմից դարձել է գործելաոճ։ Այս մասին Եռաբլուրում ասաց ՀՅԴ Տավուշի Մարզային կոմիտեի ներկայացուցիչ, ՀՀ ԱԺ «Հայաստան» խմբակցության պատգամավոր Գառնիկ Դանիելյանը։

«Ի՞նչ է նշանակում նման վերաբերմունք ցուցաբերել հերոսների ծնողների նկատմամբ, ընտանիքի անդամների նկատմամբ։ Այս շոուները, որ կազմակերպում ես ընտանիքի անդամներին չթողնելով մոտենալ իրենց երեխաների շիրիմներին, դու գալիս ես և ծնկի ես գալիս, իբր։ Քո հարգանքն առաջին հերթին այդ մարդկանց նկտամամբ պետք է դրսևորես, ոչ թե գաս այստեղ թիկնազորով շոուներ անես», - ասել է Գառնիկ Դանիելյանը։

Մանրամասն՝ տեսանյութում։