Բայդենն իր քաղաքական համախոհներին ու ընտանիքի անդամներին նախապես ներում է շնորհել

Ջո Բայդենը Թրամփի երդմնակալությունից մի քանի ժամ առաջ «կանխարգելիչ» ներում է շնորհել գիտնական Էնթոնի Ֆաուչիին և գեներալ Մարկ Միլիին՝ հայտնում է BBC-ն։

Ավելի վաղ հայտնի էր դարձել, որ համաներումը կարող է վերաբերվել մի շարք մարդկանց, որոնց թվում են Ֆաուչին, ով օգնել է համակարգել Սպիտակ տան գործողությունները կորոնավիրուսային համաճարակի ժամանակ, և Շտաբների պետերի միացյալ կոմիտեի նախկին նախագահ, պաշտոնաթող գեներալ Միլին:

Բայդենը նաև ներում է շնորհել չորս տարի առաջ իր երդմնակալությունից հետո տեղի ունեցած անկարգությունների հետաքննությանը ներգրավվածներին՝ չսպասելով մեղադրանքներին՝ կանխելու «չհիմնավորված» և «քաղաքական դրդապատճառներով հետապնդումները»։

Պաշտոնաթող գեներալ Միլին, ում Բայդենը նախօրոք ներում էր շնորհել, Թրամփին անվանել էր «մինչև ոսկորները ֆաշիստ» և վտանգավոր մարդ։

«Կառավարության այս աշխատակիցները պատվով ու շքանշաններով ծառայեցին մեր երկրին և արժանի չեն անհիմն և քաղաքական դրդապատճառներով հետապնդման թիրախ դառնալու»,- ասվում է Սպիտակ տան հայտարարության մեջ։- «Այս ներումների շնորհումը սխալմամբ չպետք է դիտվի որպես որևէ անձի կողմից որևէ հանցագործության ընդունում, ինչպես նաև չպետք է սխալ մեկնաբանվի որպես որևէ հանցագործության համար մեղքի ընդունում»: