ՀՀ-ի մասնակցությունը Հռոմի ստատուտին վնասում է նրա հարաբերությունները ՌԴ-ի հետ. Զախարովա

Երեւանի մասնակցությունը Միջազգային քրեական դատարանի (ՄՔԴ) Հռոմի կանոնադրությանը ուղղակի վնաս է հասցնում ռուս-հայկական հարաբերություններին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ТАСС-ը։

Դիվանագետը նշել է, որ Ռուսաստանի Դաշնության վերաբերմունքը «այս հրաշքին ՄՔԴ-ի տեսքով հայտնի է»։ 

«ՄՔԴ-ին Հայաստանի անդամակցության նկատմամբ մեր վերաբերմունքը հայտնի է, այդ թվում հայտնի է նաև մեր հայ գործընկերներին»,- շարունակել է նա։ «Մենք ստիպված ենք ևս մեկ անգամ հայտարարել, որ Երևանի մասնակցությունը Հռոմի ստատուտին Հաագայում մի շարք ռուս պաշտոնյաների նկատմամբ արձակված քվազի-կալանքի օրդերների ֆոնին ուղղակի վնաս է հասցնում ռուս-հայկական հարաբերություններին»:

Դիվանագետը նշել է, որ այդ վնասը ոչ միայն խորհրդանշական է, այլեւ բավականին գործնական։ «Եթե ՄՔԴ-ի հետ Հայաստանի համագործակցությունն իսկապես կարող էր նպաստել ինչ-որ միջազգային իրավական նորմերի ամրապնդմանը, դա դեռ ինչ-որ կերպ կարելի էր հասկանալ, ողջունել, բայց այդ կեղծ դատարանի երկու տասնամյակների աշխատանքի պրակտիկան հակառակն է ասում, ՄՔԴ-ն չի օգնել կարգավորել ոչ մի հակամարտություն, որով փորձել է զբաղվել»: