ԲՐԻԿՍ-ի ղեկավարներն ամփոփիչ հռչակագիր են ընդունել

ԲՐԻԿՍ-ի երկրների ղեկավարները նախատեսում են ընդլայնել համագործակցությունը և ռազմավարական գործընկերությունները, ինչպես նաև ողջունում են ազգային արժույթների օգտագործումը ասոցիացիայի անդամների և նրանց առևտրային գործընկերների միջև ֆինանսական գործարքներում, հետևում է Կազանի գագաթնաժողովից հետո ընդունված ամփոփիչ հռչակագրից, գրում է «Коммерсантъ-ը»:

ՌԴ նախագահ Վլադիմիր Պուտինի խոսքով՝ հռչակագիրը որպես համատեղ փաստաթուղթ կտարածվի ՄԱԿ-ին։

Փաստաթղթում խոսվում է «Ուկրաինայի իրավիճակի վերաբերյալ ազգային դիրքորոշումների մասին»։

ԲՐԻԿՍ-ի ղեկավարները նշել են «միջնորդության և բարի պաշտոնների համար համապատասխան առաջարկներ՝ երկխոսության և դիվանագիտության միջոցով հակամարտության խաղաղ կարգավորում ապահովելու համար»:

Փաստաթղթում խոսվում է նաև գլոբալ և տարածաշրջանային անվտանգության շահերից ելնելով համագործակցության, ԲՐԻԿՍ-ի երկրների ֆինանսատնտեսական հարաբերությունների զարգացման, մարդասիրական փոխանակումների ընդլայնման մասին։

Ասոցիացիայի անդամները, մասնավորապես, նշել են համաշխարհային տնտեսության վրա «ապօրինի պատժամիջոցների» բացասական հետևանքները և բռնության ու զինված հակամարտությունների աճը։