Թշնամի երկիրը կրկին պնդում է՝ Հայաստանը պետք է փոփոխություններ կատարի Սահմանադրության մեջ

Տարածաշրջանում կայուն խաղաղության համար Հայաստանը պետք է փոփոխություններ կատարի Սահմանադրության մեջ, Ստամբուլում «3+3» հարթակի նիստի ժամանակ ասել է թշնամի երկրի ԱԳ նախարար Ջեյհուն Բայրամովը: Այս մասին գրում են ադրբեջանական լրատվամիջոցները:

Նա հավելել է, որ նրանք ու տարածաշրջանի երկրները մշակել են ընդհանուր մարտահրավերների կանխարգելման հայեցակարգ։

«Ադրբեջանը և տարածաշրջանի երկրները մշակել են անվտանգության, տնտեսության, առևտրի, էներգետիկայի, տրանսպորտի, կապի և շրջակա միջավայրի ոլորտներում ընդհանուր մարտահրավերների կանխարգելման հայեցակարգ՝ կայուն խաղաղություն ապահովելու տարածաշրջանում այնպիսի կրիտիկական պահին, ինչպիսին հետկոնֆլիկտային ժամանակաշրջանն է: Կարևոր է, որ սահմանադրական փոփոխություններով վերացվեն նախկին հակամարտության հետևանքները», - ասել է նա։