Արցախցին իր իրավունքը ոչ մեկին չի զիջել․ հավաքական վերադարձ լինելու է․ Արթուր Մոսիյան

Մեկնարկել է՝ Արցախի Հանրապետության 33-ամյակին նվիրված «Վերադարձ» խորագրով միջոցառումը, որը նախաձեռնել է ՀՅԴ Հայաստանի Գերագույն մարմինը։ Նշվում է, որ «ՎԵՐԱԴԱՐՁ» խորագրովմիջոցառումը  նպատակ ունի ստեղծված ծանրագույն իրավիճակում արժևորել պատմական օրվա խորհուրդը, նաև ներկայացնել մոտեցումներ և առաջարկներ՝ Արցախի հիմնախնդրի մարտահրավերների և քաղաքական լուծումների, համազգային հանձնառությունների և Արցախահայության անօտարելի իրավունքների իրացման վերաբերյալ։

Միջոցառումը սկսվեց մեր րոպե լռությամբ՝ ի հիշատակ նահատակված հերոսների։ Այնուհետեւ հնչեցին Հայաստանի ու Արցախի պետական հիմները։

Մինչ այդ, լրագրողների հետ զրույցում, Արցախի Հանրապետության ԱԺ «Հայ Հեղափոխական Դաշնակցություն» խմբակցության ղեկավար Արթուր Մոսիյանն ասաց․ «Արցախցին իր իրավունքը ոչ մեկին չի զիջել․ հավաքական վերադարձ լինելու է»։