Թրամփի շտաբը հայտարարել է իր անցումային թիմում նշանակումների մասին

Հանրապետական կուսակցությունից ԱՄՆ նախագահի թեկնածու Դոնալդ Թրամփը հայտարարել է անցումային թիմ ստեղծելու մասին, որը կզբաղվի իր նոր վարչակազմի ձեւավորման նախապատրաստմամբ, եթե հաղթի նոյեմբերին կայանալիք ընտրություններում: Այդ մասին ասված է քաղաքական գործչի նախընտրական շտաբի հայտարարության մեջ:

Անցումային թիմը կգլխավորեն Թրամփի նախընտրական արշավի երկու գլխավոր հովանավորները՝ փոքր բիզնեսի գործերի վարչության նախկին ադմինիստրատոր Լինդա Մաքմահոնը և միլիարդատեր Հովարդ Լյութնիկը: Սենատոր Ջեյ Դի Ֆենսը, որն ընտրվել է փոխնախագահի հանրապետական թեկնածուի դերի համար, ինչպես նաև Թրամփի որդիներ Դոնալդն ու Էրիկը նշանակվել են պատվավոր նախագահներ: