ՈՒՂԻՂ. Միջոցառում` նվիրված «Լիզբոն 5» գործողության 41-ամյակին

Այսօր լրանում է Լիզբոնի 5 հերոսների անձնազոհության 41-րդ տարելիցը:

Աշխարհի ուշադրությունը Հայ Դատին սևեռելու նպատակով` 1983 թվականի հուլիսի 27-ին, Հայ հեղափոխական բանակի հինգ անդամներ` Վաչե Տաղլյանը, Սեդրակ Աճեմյանը, Սիմոն Յահնիյանը, Արա Քրջլյանը և Սարգիս Աբրահամյանը, մուտք գործեցին Պորտուգալիայի մայրաքաղաք Լիզբոնի (Լիսաբոնի) թուրքական դեսպանատուն, այդ քայլով կարողանալով միջազգային հանրության ուշադրությունը սևեռել Հայոց ցեղասպանության և Թուրքիայի կողմից այդ փաստի ժխտման վրա։

Երբ շուրջ 170 հոգուց բաղկացած ոստիկանական ուժերը շրջափակում են շենքը, Հայ վրիժառուները գերիներին բաց թողնելուց հետո անձնազոհ են լինում:

Նշենք, որ այսօր առավոտյան Սուրբ Աննա եկեղեցում կատարվել է հոգեհանգստյան կարգ՝  ի հիշատակ «Լիզբոն 5» գործողության նահատակ տղաների։ Իսկ այս պահին Արամ Մանուկյանի հուշարձանի դիմաց ընթանում է միջոցառում:

Առաջարկում ենք հետևել ուղիղ հեռարձակմամբ։