կարևոր
1510 դիտում, 3 շաբաթ առաջ - 2024-06-20 12:58
Հասարակություն

Ինքնագլորներ օգտագործողների համար կառավարությունը որոշում կայացրեց

Ինքնագլորներ օգտագործողների համար կառավարությունը որոշում կայացրեց

Ինքնագլորների երթևեկության հետ կապված կանոնները կկարգավորվեն։

Կառավարության այսօրվա նիստում ՆԳ փոխնախարար Արփինե Սարգսյանն ասաց, թե ինքնագլորների օգտագործումն առավել տարածված է երիտասարդների ու անչափահասների շրջանում, կարիք կա դաշտը կարգավորելու՝ հնարավոր բացասական հետևանքները կառավարելու առումով։

«Երթևեկության կանոնները պարզ են. առաջինը սուբյեկտային շրջանակն է, թե ովքեր կարող են օգտագրոծել ինքնագլորները, Հայաստանի դեպքում 18-ից բարձր տարիք ունեցողներն են կամ՝ 16 տարեկան այն անձինք, ովքեր ունեն «AM» ենթակարգի տրանսպրոտային միջոց վարելու իրավունք»,- ասաց նա։

Սարգսյանի խոսքով՝ մինչև 18 տարեկան անձինք կարող են օգտագործել ինքնագլորներ համայնքի ավագանու կողմից սահմանված վայրերում։

Նախատեսվում են նաև երթևեկության պահանջներ, թե որտեղ կարելի է վարել ինքնագլորները։

«Առաջնային տեղը տրվում է այն գոտիներին, որտեղ իրականում պետք է լինեն։ Դրանք հեծանվային կամ հետիոտնային արահետներն են, հեծանվորդների համար նախատեսված գոտիները, որոնց բացակայության դեպքում անցում են կատարելու 2-րդ գոտի, որոնք կարող են լինել ճանապարհային հատվածներում կողնակները, իսկ եթե դրանք բացակայում են, ապա երթևեկելու գոտիներում թույլատրվում է աջամասային տարբերակով»,- նշեց փոխնախարարը։

Նախատեսվում է, որ առաքում իրականացնող անձինք, եթե երթևեկում են մոպեդներով կամ ինքնագլորներով, պարտավոր են օգտագործել սաղավարտներ։

Արագության մասով բոլոր երկրներում  20կմ/ժամ արագության կանոնն է նախատեսված։ Երթևեկության կանոնները խախտելու դեպքում կկիրառվի վարչական պատասխանատվություն։