ՄԻԵԴ-ը Ադրբեջանում մի շարք ԶԼՄ-ների արգելափակումը Մարդու իրավունքների պաշտպանության կոնվենցիայի խախտում է ճանաչել

Մարդու իրավունքների եվրոպական դատարանը (ՄԻԵԴ) այսօր՝ հունիսի 13-ին, Ադրբեջանում Ազատություն ռադիոկայանի և այլ առցանց լրատվամիջոցների ամբողջական արգելափակումը ճանաչել է որպես Մարդու իրավունքների և հիմնարար ազատությունների պաշտպանության կոնվենցիայի խախտում։

Ըստ ՄԻԵԴ-ի՝ գործը վերաբերում է չորս առցանց լրատվամիջոցներին մուտքն ամբողջությամբ արգելափակելու կառավարության որոշումներին:

Մասնավորապես, դիմորդներն են «Ազատություն» ռադիոկայանը (Ազատ Եվրոպա/Ազատություն ռադիո),
որը, բացի ռադիոհեռարձակումից, կառավարում է azadliq.org կայքը, Ազգությամբ ադրբեջանցի Ազեր Մամեդ օղլի Թալիբոն՝ az24saat.org և xural.com կայքերի հիմնադիր և խմբագիր, anaxeber.az առցանց լրատվական պորտալի հիմնադիր և խմբագիր, 24Saat.org, մեդիա ընկերությունը, որը ղեկավարում է azadliq.org առցանց լրատվական պորտալը, az24saat.org առցանց լրատվական պորտալը շահագործող մեդիա ընկերությունը, և նրա հիմնադիր Վուգար Ալեքպերովը և Բաքվի «Խուրալ» թերթը, որը վարում է xural.com կայքը, և նրա հիմնադիր և գլխավոր խմբագիր Ավազ Զեյնալովը:

Ադրբեջանի դատարանները որոշել են արգելափակել կայքերի հասանելիությունը՝ պատճառաբանելով, որ դրանցում հրապարակված որոշ հոդվածներ պարունակում են իբր ապօրինի բովանդակություն՝ համաձայն ադրբեջանական լրատվամիջոցների օրենսդրության:

Դիմումատուներն այս միջոցն անվանել են «ծայրահեղ»։

ՄԻԵԴ-ը պարտավորեցրել է Ադրբեջանի կառավարությանը յուրաքանչյուր դիմողի 6000 եվրո փոխհատուցում վճարել։