Նիկոլ Փաշինյանի, Արայիկ Հարությունյանի հայտարարություններն ամբողջովին մտացածին են. Տեր Եսայի քահանա Արթենյան

Ամենայն Հայոց Կաթողիկոսի և եկեղեցականների նկատմամբ Սարդարապատում ոստիկանության կողմից դրսևորված պարսավելի պահվածքի արդարացման համար ինչպես վարչապետ Նիկոլ Փաշինյանի, այնպես և երեկ աշխատակազմի ղեկավար Արայիկ Հարությունյանի հնչեցրած հայտարարություններն իրականության հետ աղերս չունեն և ամբողջովին մտացածին են։  Այս մասին NEWS.am-ին հայտնեց Տեր Եսայի քահանա Արթենյանը:

«Տեղ գտած հակաօրինական գործողությունները, որ համընդհանուր դատապարտման արժանացան, իբրև անպատվաբեր երևույթ, վերջնարդյունքում ոչ միայն պախարակում են մեր երկիրը և հարված հասցնում նրա հեղինակությանը, այլև նոր հակառակություններ առաջ բերում մեր ժողովրդի կյանքում»,- նշել է նա:

Հիշեցնենք, որ Սարդարապատում մայիսի 28-ին ոստիկանության աշխտակիցները խոչնդոտել էին Ամենայն Հայոց Կաթողիկոսի մուտքը հուշահամալիր: